12.02.2019

Nú hafa ASÍ og BRSB tekið höndum saman um stofnun rannsóknarstofnunar í vinnumarkaðsfræðum. Stofnuninni er ætlað að efla rannsóknir á sviði vinnumarkaðar, félags- og efnahagsmála ásamt því að dýpka umræður um stöðu launafólks. Hún verður þverfagleg og sjálfstæð í sínum störfum.

Við hjá Félagsmálaskólanum fögnum þessu framtaki og erum viss um að þetta muni ýta undir og auka fræðslu vinnandi fólks. 

ASÍ og BSRB óska eftir tillögum um nafn á stofnunina. Nafnið þarf að vera þjált í notkun og gefa stofnuninni jákvæða ímynd.
Tillögum um nafn þarf að skila inn fyrir 16. desember 2019 á netfangið asi@asi.is merkt „Nafnasamkeppni 2019“. Nafn, símanúmer og netfang höfundar þarf að fylgja með. Frjálst er að senda inn fleiri en eina tillögu.

Verðlaun að upphæð kr. 50.000 verða veitt fyrir bestu tillöguna. Ef fleiri en einn leggja til vinningsnafnið verður vinningshafinn dreginn út.

Til baka