08.05.2016

Trúnaðarmannanámskeið – blönduð kennsla – heil önn

Sú nýbreytni verður á haustönninni að boðið verður uppá opið trúnaðarmannanámskeið með óhefðbundnu sniði.  Lengd námskeiðs samsvarar heilli viku, en henni dreift á allt misserið.  Byrjað verður á staðbundinni lotu sem tekur tvo daga.  15. – 16. september, þar sem farið verður í Þjóðfélagið og vinnumarkaður, Trúnaðarmaðurinn, starf og staða, ásamt því að lögð verður áhersla á hópefli.  Í fyrstu lotunni verða myndaðir hópar sem vinna saman þar til í lok námskeiðs.   Lota tvö hefst 4. október en þá verður farið í Túlkun kjarasamninga en þessi lota verður í svokallaðri vendikennslu.   Þar verður námsefnið á rafrænu formi ásamt því að nemendur fá send til sín verkefni sem þeir leysa sameiginlega í hópum í gegnum netið.  Lota þrjú hefst 20. október, en hún verður með sama sniði og lota tvö.  Þar verður farið í Samskipti á vinnustað.  Endað verður í staðbundinni lotu, 17. og 18. nóvember.  Þar verður farið í Lestur launaseðla ásamt því að nemendur gera grein fyrir verkefnum sem unnin hafa verið í lotu tvö

Til baka