Um námskeiðið

Æðsta vald í málefnum ASÍ er hjá þingi sambandsins sem haldið er annað hvert ár. Þar eru mótaðar helstu áherslur í stefnu og starfsemi sambandsins auk þess sem forysta þess er kosin, þ.e. forseti, varaforseti og fulltrúar í miðstjórn.

Upplýsingar

  • Dagsetning: 24. nóvember 2020
  • Tími: 10:00 - 12:00
  • Staður: Fjarnámskeið (Zoom)
  • Verð: 6200 kr.

Milli þinga fer miðstjórn með málefni sambandsins. Formannafundir aðildarfélag innan ASÍ er síðan vettvangur stefnumótunar og samráðs þeirra milli sambandsþinga.

Á þessu örnámskeiði verður fjallað nánar um hlutverk og valdheimildir sambandsþingsins, formannafunda, miðstjórnar, forseta, varaforseta og skrifstofu ASÍ.

Fjallað verður um hvernig:

  • ákvarðanir eru teknar
  • viðbrögð mótuð
  • leyst úr ágreiningsmálum
  • fylgst með því að aðildarsamtökin ræki skyldur sínar skv. lögum sínum og lögum ASÍ.

Farið verður í kjarasamningsumboð ASÍ og þá aðstoð sem ASÍ veitir aðildarfélögum sínum við undirbúning og gerð kjarasamninga.

Athugið: Um er að ræða örnámskeið í Zoom fjarfundakerfinu. Þátttakendur fá sendan hlekk áður en námskeiðið hefst.