Forystufræðsla ASÍ og BSRB

Forystufræðsla ASÍ og BSRB
-fyrir stjórnir og starfsfólk stéttarfélaga

Heildarsamtök stéttarfélaga á vinnumarkaði, ASÍ og BSRB, hafa tekið höndum saman um sameiginlega fræðslu fyrir starfsfólk sitt og stjórnir með það fyrir augum að mæta breyttum tímum, nýjum áherslum og viðameiri verkefnum.

Aðildarfélög ASÍ og BSRB gegna margþættu hlutverki við að bæta hag og verja hagsmuni félagsmanna og hyggjast með Forystufræðslunni miðla, ræða og þróa áfram þekkingu og aðferðir innan samtakanna og efla um leið fagmennsku og lýðræðisleg vinnubrögð.

Ef þú starfar hjá stéttarfélagi, sinnir stjórnarstörfum eða tekur þátt í komandi kjarasamningum þá getur þú valið úr fjölda námskeiða sem henta þínum þörfum. Þú getur valið eitt námskeið eða öll og fengið allar upplýsingar hér fyrir neðan. Stéttarfélögin kosta þátttöku síns fólks.

Forystufræðsla: Sprengikraftur orðanna – að koma hugsun á blað

Á námskeiðinu er skoðað hvernig ná má til lesenda með textum, greinum og færslum.
Næst: 01. okt.
Nánar

Forystufræðsla: Hlutverk og ábyrgð stjórnarmanna stéttarfélaga

Fjallað er um hlutverk og ábyrgð stjórnarmanna stéttarfélaga og leiðbeint um, hvernig best er staðið að stjórnarstarfi. Einnig er fjallað um ábyrgð stjórnarmanna hvað varðar fjárreiður og mikilvægi að viðhalda góðum vinnubrögðum.
Næst: 03. nóv.
Nánar

Forystufræðsla: Örugg tjáning – að koma fram af öryggi

Vinnustofa með fyrirlestrum, hópverkefnum og umræðum. Fjallað um hagnýt ráð og aðferðir til að geta staðið fyrir framan hóp fólks og talað af öryggi. Tilvalið fyrir þá sem þurfa starfa sinna vegna að halda ræður eða kynningar.
Næst: 11. nóv.
Nánar